In de basis zit het niet goed
bij de Emmer FC
en op de bank
valt het ook al niet zo mee
©2012-Bert Kamping
Met de zun in de rug
en riem op ’t gres
van Erica weer hen hoes
Deur mien ziedraampein hen
‘t bevreuren Oranjekanaol
en ’n buizerd, die umdeel stört
op ‘n moes
©2012-Bert Kamping
Tussen de trammelant
over kopdoekies
en diekverstarkings deur
Verstao ik naor
mien kameraod
en zien anholdende meleur
©2012-Bert Kamping
Ieder jaor geliek
die beloftes an jezölf
um je betern in ‘t leven
Ik bin veurnimmens
gewoon stilan deur te doen
en mijzölf te vergeven
©2012-Bert Kamping
As een opmarking der toe döt
is het zeker het anheuren weerd
teminnen as degiene eerder is leerd
dat e daorveur eerst naodenken möt
Dus as ’t in neijaor op dizze wieze kan,
wordt wij der allemaol een stuk wiezer van
©2011-Bert Kamping
Smangs hej zo de wind in de rug
dat je de tied untgiet
daj ’t eigelk over doen zulden willen
mar beter worden döt ’t dan niet
©2011- Bert Kamping
As een pijl oet een boog
en met schichtige scheer
op de rechterflaank
vlög e hen en weer
hie kromt de rug
Grote Geert komt gaangs
en met een driftige dribbel
schöt e deran laangs
Zo glad as een aol
Gien holden meer an
zo dök e de zestien in
WKE’s neie man
@2011-Bert Kamping
De leste koopavaond veur de 5e
Het carillon Sinterklaas Kapoent
waor in de winkels Bing Crosby
White Christmas en Jingle bells crooned
©2011-Bert Kamping
Op het leste stukkien zaand
Tussen Emmen en Oranjekanaol
lig al zeshonderenvieftig jaor
het darp dat zuch niet an de
bisschop overgeven wol
Je Keistraot en je Halvemaon
blieft tot in iewigheid bestaon
©2011-Bert Kamping
Veur ij ’t weet lat Arends
de Raod damet ok nog stemmen
over het het invoren
van een oetburgeringscursus
in de gemiente Emmen
©2011-Bert Kamping
